@ تعالو شوفو البنات اذا جتهم بطاقه دعوه لزواج@

بسم الله الرحمن الرحيم

لما تجيلكم دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود

فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

*******************

ثم يهبون الى غرفة العمليات

فتحصلهم مايخلون مراية في حالها ..

** فتلقى أميره عند مراية التسريحة تتمكيج

** وشيخه عند مراية الدولاب تركب عدساتها

** و زينب عند مراية المدخل حق البيت محتارة شو تسوي شعرها

** نوره محتارة أي فستان تلبس

وكلما اختاروا لها فستان .. قالت : لاء لاء .. شافوه عليّ

** ورغد تترجى اخوها : تكفى ود فستاني للمغسلة

وقول لهم يخلونه مستعجل

** وساره متوهقة مالقت الحلق اللي يناسب لون فستانها

** و جوري تقول لاخوها : تكفى مر على جارتنا

وخذ من عندها الااستغفر الله العظيمسوار التفاحي

** و مريم.. انفرط سحاب فستانها .. وتبي الخياط يصلحه

<<< والله من السمنة الزايدة

*****************

وصجة .. ولجة .. وحوسة ...

وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )

************************************

بعد ذلك .. يركبون السيارة بعد ما بح صوت ابوهم

وهو يناديهم ..

** والمصيبة اذا اخذوا مسافة بالسيارة وجتك نوره

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت<<<ويعصب ويقول وراي مبارات وجع((الهلال-النصر))

********************

وبعد عناء طويل يصلون الى القصر ويدخلون

******************

ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي

**********************

ثم يتوافدون الى المسرح .. وشف الرقص كيف

** اللي تحط رجلها من شرق المسرح الى غربه

ولا احد يدري اش بلاها

**********

** واللي تهز وهي واقفة مكانها بركاااادة .. وعلى بالها أنوثة ..

******************

وتعال شفهم اذا غنت الطقاقة .. ( يالتاستغفر الله العظيمي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين

<<< طبعا من غشامتهم .. يتصاقعون في بعض

************

والوحدة فيهم بتتشقق من الفرحه اذا جت الطقاقة بجنبها
وقالت : يا احمر يا احمر .. عاشو .. على قلبي

<< طبعا الافندية فستانها احمر ..

*****************

** وتلقا ثنتين هناك يرقصون نفس رقص العراقيات

وطبعا العجايز منصدمات .. ومافيه الا قوة دعاوي على هالبنات

**************

** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يترجونهاا تقوم

وهي ترفض ..
طبعا من حقها .. تخاف يصكونها بعين على كيفك

واذا جت الزفه قالوا البنات هااااه حلو المعرس (ايه)يهبل
يؤيؤيؤ ما شفته زين

***********

والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل " فلان " خيّالة )

<<< وهم في الحقيقة .. لم يركبوا حصانا قط ..

بس يالله لزوم المدح

واذا جاء وقت الطلعه للبيت <<يؤيؤيؤيؤ يمه مانبي نروح البيت ما فيه احد راح خلينا نجلس شوء

<<<<<وتوافق الام بعد ما نشب في بلاعيم بلعومها

***************************************
تحياتي

اتمنى الموضوع يعجبــــــكم

استنــــى ردوودكـــم

رائعه مثلك
مستغرب

ولك مني اجمل تحيه وانتي المشرف المناسب بالمكان المناسب

مـــــــــــــــره حلو
اهم شي جوري تقول لاخوها
كانكم شايفين بالبيت
ههههههههههههههههه
تسلـــــــــــــــــــــــــــــــــــــــــــــمين

» شوفو البنات شنو يكتبون على عباياتهم....؟؟؟
» تعالو لزيارة منتداي الخاص بعد ادن الادارة
» من كثر حبو للشيتوس شوفو ايش سوا
» Lovely No0oni تعالو شوفها قبل وبعد
» جمهور الصقٍٍٍٍٍٍٍٍٍٍٍٍٍٍر نايف تعالو صوتو للصقر