قصيدتين للشاعر سالم سيار

<< القصيدة الاولى >>

انا من بين كفينك شعـور يشبـه الشعـره
اقولك شي ترى فدوه حياتـي لـو قطعتينـي

اخذت من الصبر لا لا اخذ مني الصبر صبره
مدام بغيبتـك محـد يجـي مثلـك ويحيينـي

تعالي يابعد روح الشعـور ويابعـد عمـره
انا البارح لهذا اليوم ابـد ماغمضـت عينـي

تنفستك شعور وفاح من صدر الغلا عطـره
تنهدتك وشفـت الضيـق يتنهـد عناوينـي

يضيق الكون بعيوني واشوف الكون ثقب ابره
واشوف الموت ياعمري مابين عيونـك وبينـي

كتبتك شوق من شفت الفراق بعمري ياكبره
مو مثل اللي يقول لاانتي ولا غيـرك تذلينـي

مو انتي العز ولو ما انتي اقول انتي ترى وكره
اصيلـه والاصيلـه ماخلـق الله توطيـنـي

واذا ردت على العز الكريم ودورو صقـره
انا ليه احلـف وانتـي تشوفينـه بجناحينـي

احبك ينثني هذا الكـلام ويرتفـع قـدره
احبك يرتعش هذا النجـم يتشكـل بطينـي

احبك نور في هذا المسى واقعد علـى بحـره
احبـك لاتخليـن الفـراق امواجـه تمحينـي

يالله وانتي بعيون المسى بهذا المسـى قمـره
قريبه حيل في اسـود عيونـي انتـي تضمينـي

وبعض احيان تكوني داخل ظلوع الغلا جمره
وكل هذا الوله ماهب من عيونـك حرقتينـي

وبعض احيان تكوني داخل اشواق العمر زهره
عشان الزهره لو بتموت تموت وعطرها فينـي

بغيت اقول شي لكن او انسي بس على فكره
هي الحريه اني اختار قيـدك وادخـل يدينـي

وانا اخترتك وخليني وسط كفينك الشعـره
اقولك شي ترى فدوه حياتـي لـو قطعتينـي

<< القصيدة الثانية >>

الليل هم وحزمة جروح وأوراق

وأنا اتناثر بـ آخر الليل وأبقى

ما غير اولّع كل تناهيد الأشواق

واللي بقى من الشوق دمعات حرقى

ما أقول ضاق الصدر لكن إذا ضاق

تنكسر ظلوعي على الروح واشقى

وحدي وعيوني تمتلي وجيه وفراق

كان البكا فرقى ورى دموع فرقى

يا طيب! تاخذني على الناس بعناق

والحين أنا وياك والحزن نبقى

معقول ما مرّوا على بحر الاحداق

ولا شافوا دموعي من الشوق غرقى!

هذا انا من الليل واقف ومشتاق

وهذي كفوفي من الوله دوم عرقى

من ليل واشراقٍ الى ليل واشراق

وارجع..اعيد حكاية الليل وارقى

وارقى انتظر بالليل نجمي اذا فاق

واصاحبه حتى السما تصير زرقا

وابقى وحيد ولا معي غير الأوراق

اكتب جروحي وسط الأوراق وابقى

للشاعر : سالم سيــار

» هذا هو اللي تبية؟ سالم سيار *** بدون موسيقى***
» كفاية...للشاعر طارق المحيااس
» مجموعة متالقة للشاعر..طارق المحياس..
» قصيدة ( الموت هين) للشاعر الكبير متعب التركي المطيري