يـــــــا صــــــــغــــــــيـــــر
بياصغيرمايكبرني لقب
ومايصغرني إذا أنكرني صغير
ماخذينا الصيت من جمع الذهب
ولا نسابة شيخ أوقربة وزير
كاسبينه من هل السيف الحدب
الجنايز كان ماجاك النذير
صيتهم نجم على راسه ذهب
سمعواالصقهان به وجه الضرير
بالوفا تاريخ أبيض ينتصب
لا حكوا بالحق حيين الضمير
ضيغمي للسناعيس أنتسب
لابتن طلنابها عرش كبير
إنت حدك ياكثير الهرج تب
ولا تمر النار وثيابك حرير
كان لك عز من اللي فتعقب
والله إنك تبطي وحبلك قصير
أحسب إنك من صناديد العرب
وأثرساترتك عباتك ياغرير
ماحسب للسوس زراع القصب
والقراده ما درى عنها البعير
ولو حسبناللحسايف والتعب
مابذرنا يا العصافير الشعير
عن هلك أبراي ل الله وأحتسب
الرجال اللي مجاراهم عسير
من قريش المصطفى وأبولهب
والدغالب ماغشت عذب الغدير
للرجال من الرجاجيل العتب
والزكاة اتحل في حال الفقير!
لعنبو وقت غدينابه حطب
تحرقه نار يثورها هجير
ماألومك والزمن سوا العجب
هوبقاغير الكرامه با الجفير
ما أذل وراسي يشم المهب
لو بقا من شمر طفل غرير
وما أهاب ولايزلزلني غضب
الشجاعه ورث والعاقل غزير
ياصغير مايكبر ذا اللقب
غير منهو كان من دونه صغير