butterfly art


مرحبا بك في منتديات فن فراشه للتصميم

الاعضاء الاعزاء ارجو ان لا تكتب الا المواضيع المفيده والجيده وتذكر ان الله يراك.
منتدى للمبدعين فقط.

butterfly art

 
الرئيسيةاليوميةمكتبة الصوربحـثالتسجيلدخول
اعزائي الاعضاء المنتدى بدونكم لايكون له بريق فجميعنا هنا اسره واحده فاجعله بيتك الثاني وباقي الاعضاء اسرتك فالاحترام يجب ان يكون متبادل بينناوسوف تدوم المحببه ان شاء الله فاجعلوا التواصل دائم ولا تقطعوا زيارتكم لنا
للاعلان في منتديات فن فراشه للتصميم ارجو ارسال رساله خاصه   لمؤسس الموقعbutterfly toota او عن طريق استمارة اتصل بنا بالاسفل

شاطر | 
 

 كفاية...للشاعر طارق المحيااس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
aso0om
مشرفة قسم خواطر واشعار


انثى
نقاط : 5928
السٌّمعَة : 13
تاريخ التسجيل : 23/07/2009
موطني : فن فراشه

مُساهمةموضوع: كفاية...للشاعر طارق المحيااس   الخميس 06 أغسطس 2009, 17:20

كفاية صار لك شهرين غايب عني يالغالي .. كفاية يا أعز الناس ترى والله ما أقدر


دخيلك لا تخيب فيك هقواتي وآمالي .. وإذا إنها عن الصبر والله وغلاتك عندي راح اصبر


أبتحمل عنا فرقاك وحالي يرثي لحالي .. مع إني والله لين اليوم مدري ليش بس تهجر


أبى أعرف شالسبب أرجوك وش اللي بس يجرالي .. أنا اش سويت يا ربي عشان تثور وتتفجر


أنا والله ما استاهل أبد كل اللي يجرالي .. أقل ما فيها بس قلي سبب خلاك تتغير


أبى أعرف بس شو الموضوع علامك صرت ما تبالي .. إبذمت كل أهلك فـ يوم شفتني بشي أما مقصر


عطيتك قلبي وروحي وهبتك حالي ومالي .. حملت إحساس هالدنيا وعطيته لك وأنا افخر


عشقتك عشق لا قبله ولا بعده انعشق تالي .. هويتك موت واتخيل إلين الموت واتصور


وإذا جاني مسج منك أمخزن رقمك الغالي .. ولا امسح رسالاتك اتم اقراها وأفكر


واحلل كل كلمة بالمسج الله يا غربالي .. وأقول بخاطري معقوله حاسس فيني ويشعر


وأرد أقول لأ يمكن تذكرني وهو سالي .. لأني توني مطرش مسج طرش مسج يشكر


وأرد أقول لأ أدري يبيني وحاسس بحالي .. وأرد أقول لأ ما اظن على باله أنا أخطر


إلين إني أنا اتأكدت قلبه بالفعل خالي .. ولا غيري أنا بقلبه يحبني موت ويقدر


لأني مره من المرات طرت فكرة على بالي .. نويت أزعل بدون أسباب وأشوفه لو بيتأثر



أبعرف قدري بقلبه يهمه وضعي الحالي .. أو إنه راح يطنشني ولا يسأل ويستفسر


وفعلاً دق وما جاوبت حرقي لي والله جوالي .. 3 آلاف مرة دق وأنا مطنش ولا معبر


كتب لي بالمسج إطلع أنا عند بابك الحالي .. قسم بالله ما تطلع لاخربها أنا واحذر


مشكلتي أعرفه زين يسويها ولا يبالي .. نزلت وخاطره مكسور يقول اشفيك متغير


وقلت بس أبي اتأكد إذا قدري معك عالي .. ضحك لي وقالي إتاكد ودمعه بلل المحجر


وطارت فيني الدنيا لمكاني صاحبي جالي .. تعذر لي وأنا الغلطان وانا اللي لازم اتعذر


بعدها عشنا أحلى أيام بقربه يا هنيالي .. وصلنا لمرحلة ما نفترق عن بعضنا وأكثر


وبعدها فجأة خلاني ولا يسأل عن أحوالي .. وأنا في خاطري أدري محال في يوم يتغير


أدق له ما يجاوبني بديت أشك في حالي .. أخاف إنه حصل له شي أخافه بس متكدر


لعب في قلبي الوسواس خياله ما تهيالي .. حوالي ألف مسج طرشت حبيبي يا عسى ما شر


لا جاوب وأنا قاعد على أعصابي وغربالي .. حبيبي صار له أسبوع فيني حتى ما فكر


إلين إني عرفت إشلون أخلي خلي الغالي .. يكلمني وجت فكرة بعد ما مت وأنا أفكر


وفعلاً.. إتصل فيني وبدت أحزاني وأهوالي .. وكانت صدمتي كبيرة علي الغالي يتغير


سألته قلت له وش فيك ما من شر يالغالي .. وش اللي صار بالدنيا علامك ليش متبعثر


أو إنك يعني ما تدري بدونك صرت أنا لحالي .. ولالي خلق أي إنسان كثر ما فيك أنا أفكر


وجاوبني وقال أرجوك إبي هالدنيا تصفالي .. أنا مليت من وضعي وأشوف الكل متغير


أنا ضاقت بي الدنيا وأبي أبقى أنا لحالي .. خلاص أتركني لا تسأل وأنا برجع عقب أشهر


وقلت له مو علي تكذب أعرفك تضعف قبالي .. تكلم قول شالموضوع بدا قلبي يدق أكثر


سكت لحظة وقال أرجوك ابعد عني بالغالي ..وخلني أذكرك بالخير وانت مثلي اتذكر


ولا إطرش مسج واحد ولا إدق لي أبد تاي .. وإذا لي خاطر عندك لا تتكلم أبد سكر


وقلت له والله ما أكسر إلين تقول وتصفالي .. وقالي والله ما اتكلم ولو تبكي دمع أحمر


ولكن شوف ربعك وأنت تعرف بس وش جالي .. خلاص افهمها عالطاير ولا تحرجني بعد أكثر


وسكر والدمع فيني على الخدين همالي .. قسم بالله ما أدري علامه قلبه اتحجر


فؤادي انهار وأنا حملي يهد جبال وجبال .. في لحظة صارت الدنيا في عيني هالكبر وأصغر


حسافة ما توقعته يصدق فيني عذالي .. حسافة ما هقيته يوم يصد عني ويتغير


بعدها صار لي ما صار وربي يعلم بحالي .. فؤادي باقي بس شوي وأحسه من الجسم يظهر


بديت اعرق ما أدري ليش خابت كل آمالي .. أنا اتوقعت كل الناس ولا اتوقعت هو ينكر


وقلت بخاطري خله مصيره يرجع الغالي .. أكيد إنه سمع أي شي وجوه صار متعكر


ولكن طول غيابه وزادت فيني إعلالي .. مرض قلبي وتعب فكري وأحسه جسمي متخدر


وقلت خلني أطرش له مسج وأشكي له أحوالي ..وطرشت المسج وشوي دق لي ودون ما أفكر


هلا والله يا أغلى الناس هلا والله بالغالي .. ألو طارق ما قلت لك لا تذكرني أو اذكر


أبي بس أذكرك بالخير ياخي خلني في حالي ..وقلت خاطري مكسور أنا آسف وما أكرر


قسم بالله إلين اليوم وحالي يرثي لحالي .. قسم بالله إلين اليوم ولا أدري ليش هو تغير



قسم بالله ما غضت عيوني ولا هدى بالي .. قسم بالله ما يوم إلا وفيه أنا أفكر


قسم بالله قلت بنساه بس طيفه يتهيالي .. قسم بالله لو حاولت أنا أنساه أتذكر


إلين اليوم أان عندي أمل يرجع ويصفالي .. أقول الشوق بيرده على فرقاي ما يقدر


إلين اليوم ضحكاته وبسماته على بالي .. إلين اليوم ما أرقد كثر ما فيه أنا أفكر


أبى أعرف شالسبب أرجوك وش اللي بس يجرالي .. أنا اش سويت يا ربي عشان تثور وتتفجر


أنا والله ما استاهل أبد كل اللي يجرالي .. أقل ما فيها بس قلي سبب خلاك تتغير


أبى أعرف بس شو الموضوع علامك صرت ما تبالي .. إبذمت كل أهلك فـ يوم شفتني بشي أما مقصر


أنا راح انتظر ردك ولو حتى بمسج خالي .. وإذا ما جاني منك الرد وغلاتك عندي راح أصبر


سنه سنتين اللي يهم أشوفك ثاني قبالي .. ثلاث سنين أو أربع أبصبر يعني راح أصبر


ولكن حكم إحساسك وجاوب يا أغلى كل غالي .. إبذمت والديك يهون تنساني ولا تذكر


يهون إنك تخليني ولا تسأل ولا تبالي .. يهون إنك تنام الليل وتتركني أنا أسهر


كفاية صار لك شهرين غايب عني يالغالي .. كفاية يا أعز الناس ترى والله ما أقدر


دخيلك لا تخيب فيك هقواتي وآمالي .. وإذا إنها عالصبر وغلاتك عندي راح أصبر

للشاعر

ღ♥ღ طارق المحياس ღ♥ღ
الرجوع الى أعلى الصفحة اذهب الى الأسفل
aso0om
مشرفة قسم خواطر واشعار


انثى
نقاط : 5928
السٌّمعَة : 13
تاريخ التسجيل : 23/07/2009
موطني : فن فراشه

مُساهمةموضوع: رد: كفاية...للشاعر طارق المحيااس   الخميس 06 أغسطس 2009, 17:23

وللاستماع الى القصيده


http://www.e7sasgalb.com/alboum_details.php?cat=4
الرجوع الى أعلى الصفحة اذهب الى الأسفل
Cute girl
vip
vip


انثى
نقاط : 6902
السٌّمعَة : 3
تاريخ التسجيل : 12/06/2009
العمر : 27
موطني :

مُساهمةموضوع: رد: كفاية...للشاعر طارق المحيااس   الجمعة 07 أغسطس 2009, 18:41

اســــــــــــــــوم مـــره حلــــوه ونبرت صوتوا تحـــزن
والكلمــــات تجنــــــــــــــــن << أثارت فيـــــني :cry:
يسلمـــــــــــــــــو ياقمـــر...
الرجوع الى أعلى الصفحة اذهب الى الأسفل
aso0om
مشرفة قسم خواطر واشعار


انثى
نقاط : 5928
السٌّمعَة : 13
تاريخ التسجيل : 23/07/2009
موطني : فن فراشه

مُساهمةموضوع: رد: كفاية...للشاعر طارق المحيااس   الجمعة 07 أغسطس 2009, 18:51

أسعدني مرووورك يالغلاااااااا

يسلموووو دودي
الرجوع الى أعلى الصفحة اذهب الى الأسفل
نور الدنيا
عضو مبتدئ
عضو مبتدئ


انثى
نقاط : 5443
السٌّمعَة : 10
تاريخ التسجيل : 30/07/2009
موطني : فن فراشه

مُساهمةموضوع: رد: كفاية...للشاعر طارق المحيااس   الأحد 09 أغسطس 2009, 02:35

يسلموووووووووووو مره روعه
الرجوع الى أعلى الصفحة اذهب الى الأسفل
aso0om
مشرفة قسم خواطر واشعار


انثى
نقاط : 5928
السٌّمعَة : 13
تاريخ التسجيل : 23/07/2009
موطني : فن فراشه

مُساهمةموضوع: رد: كفاية...للشاعر طارق المحيااس   الأحد 09 أغسطس 2009, 13:47

يسلموو نور ع الطله الحلوه
الرجوع الى أعلى الصفحة اذهب الى الأسفل
Yarona



انثى
نقاط : 5351
السٌّمعَة : 10
تاريخ التسجيل : 14/08/2009
موطني : فن فراشه

مُساهمةموضوع: رد: كفاية...للشاعر طارق المحيااس   الجمعة 14 أغسطس 2009, 03:21

:adore:
:adore:
:adore:

آسوُوُوُم هآذيّ آلقصيدهـِ مآاآرهـِ تعوُوُوُر آلقلب ليش تحوُطينهآ

خلــّـصت آلقصآيد مآ لقيتيّ غير هآذي

<
>
<

وديّ آعرف خويهـِ علشآن آروُح آقوُلهـِ

إنت مآ تستآاآهلــهـِ

<
>
<

Yarona
الرجوع الى أعلى الصفحة اذهب الى الأسفل
aso0om
مشرفة قسم خواطر واشعار


انثى
نقاط : 5928
السٌّمعَة : 13
تاريخ التسجيل : 23/07/2009
موطني : فن فراشه

مُساهمةموضوع: رد: كفاية...للشاعر طارق المحيااس   الجمعة 14 أغسطس 2009, 03:27

هههههههههههههههههههههههههههههههههاااي

فديت قلبكـ الحلووو يارونتي

ايه والله انا ودي اشوووف اللي دخلو بينه وبين خويه عشان اطيح فيهم ضرب

يسلمووو ياروناا ع الطله نورتيني
الرجوع الى أعلى الصفحة اذهب الى الأسفل
 
كفاية...للشاعر طارق المحيااس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
butterfly art :: فن الفراشه الادبي :: خواطر و اشعار-
انتقل الى:  

جميع المشاركات تمثل وجهة نظر كاتبها وليس بالضرورة وجهة نظر الموقع
جميع الحقوق محفوظة لـ{فن فراشه للتصميم}
 Powered by phpBB2 ®
http://ba-fordesign.ahlamontada.net
حقوق الطبع والنشر©2010 - 2009