aso0om مشرفة قسم خواطر واشعار
نقاط : 11306 السٌّمعَة : 13 تاريخ التسجيل : 23/07/2009 موطني :
| موضوع: لو خسرتكـ..ماخسرت الا ..القليل.. الأحد 16 أغسطس 2009, 02:21 | |
| لو خسرتك ماخسرت العمر .. والدنيا متاع وادري اني لو خسرتك ماخسرت .. الا قليل
بس فكّر زين .. تعرف من خسر فينا وضاع وتعرف انك لو تلف الارض .. وتدوّر بديل
والله ان تبطي .. ولو لفّيت في كل البقاع ولو تسوّي وش تسوّي ماانت لاقي لي مثيل
وين تلقى مثل شخصي شخص .. واطباعي طباع ووين تلقى مثل قلبي قلب .. او مثلي خليل
البشر واجد .. نعم .. لكّن فرق الانطباع يجعلك يمي تميل .. ويم غيري ماتميل
يارفيقي .. انتبه .. واحسن اليّ الاستماع للمواقف دور في كشف المزيّف .. والاصيل
وانت ماقصرت فيني موقفك .. جدا شجاع طعنتك في الظهر فعلا كانت اثبات ودليل
بيضّ الله وجهك اللي ساتره تحت القناع ورايتك بيضا معاي وياعسى عمرك طويل
يعني اعطيك الثقة وتردها ب ((لوي)) الذراع ياخي ماشاالله عليك ابدعت في رد الجميل
مدري كيف اشكرك مدري كيف ارد الصاع صاع كنت احسب انك عزيز النفس .. تطلع لي ذليل
كم وانا عييّت اصدق فيك قدر المستطاع من غبائي كنت اسكت واعذرك .. واثر الحصيل:
جرح قلب .. ميزته في كل يوم الاتساع ودمع عين ينهمر من ضيقتي .. في كل ليل
والله اني كنت احبك حب .. واتبعك اتباع كنت لاجل ارضي غرورك بس اسوي المستحيل
كنت اعمى فيك .. لا لا .. كنت ميت للنخاع كنت مدري كيف؟ لكن كنت صادق معك حيل
كنت امارس في غرامي لك سياسة الانصياع وكنت لاغي معك فكرة اعتزل او استقيل
اندفعت بكل مافيني .. وسوء الاندفاع يجبر الانسان احيانا .. يفكر بالرحيل
صدمتي فيك انت .. خلتني افكر باقتناع ان قتل النفس راحة لو انا كنت القتيل
انفجر راسي من التفكير .. وازداد الصداع كيف انا بفتك من جرحك ودوشة قال قيل
صرت سيرة في حلوق الناس .. وتالي هالضياع انتحر؟ معقول! يالله وش هذا الغليل؟
رحمتك يارب لامن ضاقت امنحني وساع انت حسبي في الزمان الجاير ونعم الوكيل
لاغدى مستقبلي والماضي .. اطراف النزاع وصفحة الماضي سواد وشي من هذا القبيل
فلازم انسى لجل انهي بداخلي هذا الصراع ولازم اتقوى .. عشان احقق النصر الجليل
وطالما ان الهجوم افضل وسيلة للدفاع مستحيل ارضخ لو ان الحمل ياربعي ثقيل
وان سأل عني وجاكم بعد فترة انقطاع علموه اني نسيته بس اني ماني بخيل
طالما كان السبب في قوتي .. قبل الوداع بلغوه اقل شي بخالص الشكر الجزيل . | |
|
^_^ vip
نقاط : 12545 السٌّمعَة : 6 تاريخ التسجيل : 01/07/2009 العمر : 35 موطني :
| موضوع: رد: لو خسرتكـ..ماخسرت الا ..القليل.. الأربعاء 19 أغسطس 2009, 09:11 | |
| بجد ماافيني اقوول شي قدام هالابداااااااااع ماشاء الله تباارك الرحمن شي يشرف سوومتي بطلت احط خواطري هنا ههههههههههههه ننتظر المزيييييييييييييييييد حبيبي | |
|
aso0om مشرفة قسم خواطر واشعار
نقاط : 11306 السٌّمعَة : 13 تاريخ التسجيل : 23/07/2009 موطني :
| |