هلللو ..وحشتوووني
طولت عليكم ادري...بس اعذروني كنت مشغولا في التسجيل في موقع الجامعه...وربي منتهى القروشه ....يلا انا جاني موضوع ع الايميل ..
وكثير عجبني ....
سوووو نسخت الموضوع ..وحبيت تستفيدو منو ..معايا"""
"
"
"
منى : واااي يا حظج من وين لج هالساعه ؟
ساره : ابوي شراها لي هديه عيد ميلادي
منى : يا حظج انا ابوي ما عمره شرا لي هديه ولا شيء !
وتروح منى حق امهاا :
يماأأأأأأأأأأه ليش ساره ابوها يشتري لها ساعه وانا لا شنو اهي احسن مني
حرام عليكم داام ما عندكم فلوس شكوو تجيبون عيال وتقطونا جذي
افففف متى اموت وافتك من هالعيشه !!!!!!!!
طبعا هالموقف الي ذكرته شيء ممكن يكون خيالي بالنسبه لي
بس يمكن ملايين من الناس تقرا تقول اي والله جنها حالتي او يمكن تقول نفس فلانه !
يعني اعتقد في بيوت كثيره حاصل فيها هالشيء !
اليوم بتكلم شوي عن الرضا والقناعه !
في مقوله نعرفها من عمر الدنيا بس نادر ما اشوف تطيبق لها الي اهي (( القناعه كنز لا يفنى ))
ليش يا بني ادم ما تفكر شوي ليش اطلقو على القناعه مسمى كنز !!
€ شنو وجهه الشبه يعني لو نفكر شوي بتلقون انه الكنز شيء صعب الحصول عليه !
يعني نادر وجوده او الي يحصل عليه يكون انسان محظوظ وحظه يكسر الصخر عدل ولا انا غلطانه ؟ €
الحين نتوصل لسبب تسمية القناعه بالكنز لانه الانسان الي تكون موجوده فيه صفة الرضا والقناعه
انسان يعيش حياة الملوك الي يملكون كل شيء بالدنيا واهم ما يملكون شيء !!!!!!
بتقولون شنو تقولين لغز انتي ؟
بقولكم الحين اناا شلون املك كل ما في الكون وانا ما املك شيء !
بشيء واحد يسمونه (( الرضا بما عندي ))
اناا فقيره // اناا جيكره // انا فاشله // // انا معاقه // انا طويله // انا قزمه // انا حوله < لوول
انا فيني عيوب الدنيااا كلها ..!
انزين شنو المطلوب ؟
الحين توقف حياتي خلاص انتهت الدنيا العالم وقف عند طولي ولا عند فشلي بالدراسه
<<< (( لاا طبعاً ))
اذا انت انسان ودك تعيش حياه سعيده وتكون مستانس بعطيكم (( وصفه سحريه )) !!
بس (( اتمنى )) كلنا انطبقها من اليوم !!
الوصفه تقول ....!
1- (( صادق وصاحب نفسك )) بتقولون شتخربطين انتي شنو يعني اصير رفيجة نفسي
بقولكم اي نعم وين المشكله اذا صاحبت عيوبي وصادقت ذاتي بكل ما فيني من عيوب ومزايا وصفات سواء حلوه او لا !!
تبون تعرفون النتائج المترتبه على هذي الوصفه السحريه او اثاارها وطبعا كلها ايجابيه ؟؟
** اول شيء بتزيد ثقتك بنفسك وماراح يهمك احد فقط الي يبون مصلحتك وبتصير انسان متسامح
وتتقبل كل شيء برحابة صدر وتتقبل جميع الاراء والافكار وتبتسم بعد !
.....
**راح اطيح بعشق وغرام وهيام نفسك وتتقبل نفسك مثل ما الله خلقك وهذا المفروض يصير لانه الله خلقنا باحسن صوره
وتحب نفسك وكلنا نعرف الي يحب نفسه قادر انه يحب كل الي حوالينه والعكس صحيح !!
رساله من قلبي ...!
** بنهاية الموضوع ودي لو انكم ما تاخذون موضوعي على انه مجرد طرح والسلام لاااا !!
بالعكس ودي تفكرون شوي بالكلام وتعطون نفسكم فرصه للصداقه ومو مهم تردون على موضوعي بس الاهم بالنسبه لي
كلامي يوصل لاكبر شريحه منكم وتحاولون تفهمون المغزى الي حبيت اوصله واذا كنتو ناس متصالحين مع نفسكم بقولكم
مبروك عليكم لانكم والله بتعيشون احلى حياه ومحد بيقدر يكدر عليكم عيشتكم !!
واسفه على الاطاله وانشالله يكون نقاش مفيد
تحياتي
موضوع: انا اعشق نفسي...!! 
السبت 31 يوليو 2010, 16:23
