butterfly art


مرحبا بك في منتديات فن فراشه للتصميم

الاعضاء الاعزاء ارجو ان لا تكتب الا المواضيع المفيده والجيده وتذكر ان الله يراك.
منتدى للمبدعين فقط.

butterfly art

 
الرئيسيةاليوميةمكتبة الصوربحـثالتسجيلدخول
اعزائي الاعضاء المنتدى بدونكم لايكون له بريق فجميعنا هنا اسره واحده فاجعله بيتك الثاني وباقي الاعضاء اسرتك فالاحترام يجب ان يكون متبادل بينناوسوف تدوم المحببه ان شاء الله فاجعلوا التواصل دائم ولا تقطعوا زيارتكم لنا
للاعلان في منتديات فن فراشه للتصميم ارجو ارسال رساله خاصه   لمؤسس الموقعbutterfly toota او عن طريق استمارة اتصل بنا بالاسفل

شاطر | 
 

 رسائل جوال ارسلت بالغلط...هههههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dreams
مديره فن فراشه
مديره فن فراشه


انثى
نقاط : 6298
السٌّمعَة : 7
تاريخ التسجيل : 14/06/2009
موطني :

مُساهمةموضوع: رسائل جوال ارسلت بالغلط...هههههههههههه   الجمعة 26 مارس 2010, 01:15

بسم الله الرحمن الرحيم

السلام عليكم و رحمة الله و بركاته

بالغلط رسائل جوال أرسلت

موضوع قريته و أعجبني قلت أنقله لكم و إذا عندكم إضافات لا تبخلوا علينــا

وهذي هي الرســايل اللي أرسلت بالغلط


(1)

بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها فرحانهعدك بجي اوكي) وارسلت الرساله لنجلاء :{ !! .....


(2)

مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت



(3)

وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...






(4)

مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها

(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ .....



(5)


أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..


والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:


(6)

قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:



(7)

كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...:



(8)

مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..

تتتتخيلوا ...... الرساله راحت لزوجي وزعل وارسل تهديد

وانا انطميت وسكت والله موقف لن انساه




(9)


مره اختي مسافره برا وهي مديرة مدرسه .....

المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله



(10)

انا مره اتصلت على وحده ماردت بعد شوي جاني منها مسج كاتبه

((يافلانه ترا فلانة (إللي هي أنا) ازعجتني بالاتصالات ومارديت عليها))

والمشكله اني مادقيت الا مره وحده ..

عاد تحسبوني سكت ارسلت لها مسج قلت:

(( ربي باغي يفضحك ))



(11)

جتني رساله من رقم ما أعرفه بس تقول :


((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))



على طول رديت قلت :

((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))


(12)

انا مره واحد ارسل لي رسالة بالغلط :

(فلان انت صاحي ولا نايم)ارسلت له : تراك غلطان رد :

( بلا استهبال جب معك فطور)


(13)

مره في العيد اخوي ما جاء هو وأهله لنا كان عنده شغل ماقدرالمهم

اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك

والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل ..

يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب

بس شوي واتصل نفس الرقم

جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانه

يوم رديت طلعت حرمه ..السلام عليكم

عليكم السلام أنتِ مرسله رساله لي ؟؟

قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,

تتوقعون وش قالت ؟

قالت : انا كنت اتمنى انك تطلعين رجال بس للأسف طلعتي حرمه!!

قلت لها ليش؟

قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه مرسل له رساله وغلطان ,,

لكن طلعتي حرمه والله لا يوريكم والله سوت لي تحقيق ولا المخابرات

انتِ مين ؟ انتِ تعرفينا وتسوين فيني مقلب صح؟؟

قلت لها والله مااعرفك..غلطانه والله غلطانه

قالت قولي الصراحه تعرفين زوجي ؟؟

والله اني قعدت احلف واقسم ساعتين ماصدقتني اووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,

في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي

لكن الاختلاف اخر رقمين بس انا عكستهم صدقيني,, اتصلي عليه واسأليهي االله بعد طلوع الروح اقتنعت وسكرت ,,

لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,

في المشمش هذا اللي ناقص بعد ,,


(14)

امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه ..

المهم انه مو كل المساييير يوافق عليها
وكنا معزومين عند ناس ما يبينا نروح لهم ..

عاد امي قامت تبي تدق على اخوي الثاني وتقوله

بنقول لخوك انا عندك ونروح للي عازمينا

قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..

ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..

ضحك .. وقال إلعبي غيرها يا ام فلان انا اللي كلمتيه تو ..

قامت تضحك وقالت : اصلا امزح ماني رايحة لاحد ,,,,, ترقع


يالله أنتظر رسايلكم اللي بالغلط



dreams

...........................

butterfly art for design




الرجوع الى أعلى الصفحة اذهب الى الأسفل
Ŗɪᆻi
عضو فعال
عضو فعال


انثى
نقاط : 4772
السٌّمعَة : 10
تاريخ التسجيل : 01/08/2010
موطني :

مُساهمةموضوع: رد: رسائل جوال ارسلت بالغلط...هههههههههههه   الجمعة 06 أغسطس 2010, 17:50

هههههههههههههههههههههههههه اوما مسكينه اللي ارسسلت لعمها

زكرتيني مرآ من المرآت الدميله حيث كنت انا واخواتي مستانسين

أرسلت رسآله بالغلط لرديف أختي مدري أيش أحسس المهم الاخ دق

أستغربت انو طلع رقم وكمان طلع صوت رجآل

الاخ يقووولي انا من زمآن أدور رديفي وطلعت حرمه !

قآلي أبغى اشتريه منك ماسارت غلطه وغلطها وقفلت في فيسه اه هههههههه بس وربي كاااي

يسلمو يآ آلبي ...

الرجوع الى أعلى الصفحة اذهب الى الأسفل
كرز
عضو فعال
عضو فعال


انثى
نقاط : 5650
السٌّمعَة : 2
تاريخ التسجيل : 22/07/2009
موطني : فن فراشه

مُساهمةموضوع: رد: رسائل جوال ارسلت بالغلط...هههههههههههه   السبت 07 أغسطس 2010, 00:11

يووو مواقف تقهررر الا هالحركات

ذكرتيني مره كنت متهاوشه مع وحده من صديقاتي وابغى احكي وحده ثانيه اللي صار

واكتب السالفه كلها وارسلها لصديقتي اللي متهاوشه معها

يوم انتبهت ارجع ادق عليها حلفتها بالله تمسح الرساله

قبل لاتقراها ........ فشله
الرجوع الى أعلى الصفحة اذهب الى الأسفل
butterfly toota
مؤسس فن فراشه
مؤسس فن فراشه


انثى
نقاط : 8836
السٌّمعَة : 8
تاريخ التسجيل : 11/06/2009
العمر : 29
موطني : فن فراشه

مُساهمةموضوع: رد: رسائل جوال ارسلت بالغلط...هههههههههههه   السبت 07 أغسطس 2010, 06:35

هههههههههه

لا كله كوم وانا كوم كنت دوبني متعرفه على بنت جديده بالجامعه

طبعا ودوبنا في بداية المعرفه انا مسويه عليها شخصيه

يعني دوبه ما وصلنا لذيك الميانه وكانت الساعه 12 الضهر وفي رمضان وكنت مربيه وبر>>نوع من الفيران

وذاك اليوم مالقيت بثلاجتنا خس عشان ااكله رحت ادق على ابويه ابغاه يجيب على طريقه لانه كان برا
مارد الله يسامحه رحت اكتب الرساله كالاتي>>>
جيب معاك خس وتقول امي جيب زبادي
واروح ارسل الرساله لاختنا بالله وقتها
مادريت الا هي تدق رديت عادي قالت ما تبغين طماطم؟؟

وقتها تمنيت الارض تنشق وتبلعني من الفشيله
بس طبعا ضحكت لين ما تقطع بطني
ومن بعدها واحنا صديقات
الاخت هذي هي مديرتنا الفاضله
dreams



butterfly art for design







[/url]
الرجوع الى أعلى الصفحة اذهب الى الأسفل
http://ba-fordesign.ahlamontada.net
 
رسائل جوال ارسلت بالغلط...هههههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
butterfly art :: فن فراشه للمنوعات :: مواضيع عامه-
انتقل الى:  

جميع المشاركات تمثل وجهة نظر كاتبها وليس بالضرورة وجهة نظر الموقع
جميع الحقوق محفوظة لـ{فن فراشه للتصميم}
 Powered by phpBB2 ®
http://ba-fordesign.ahlamontada.net
حقوق الطبع والنشر©2010 - 2009